上年輸咗區議會選舉，今年又輸埋立法會選舉，「雙失」馮檢基似乎仲未心息喎！尋日佢出席電台節目時，講到梁頌恆、游蕙禎議席出缺，而自己正積極考慮參加補選，並且向黨友表達意願啦。民協今個月底就會改選領導層，但中委就未有討論補選問題，但阿基就話，作為一個政黨，尤其係九龍西服務三十幾年嘅政黨，睇唔到點解民協唔參加補選。不過呢，民協下午三點左右就喺Facebook發帖，話仲未正式決定係咪派人參選，人選都未定，歡迎大家畀意見喎！
鄭晴真係忍唔住笑，阿基都一把年紀，輸咗兩次仲未死心，要透過電台放風，希望利用民意向民協領導層逼宮，搞到民協下午專登出帖澄清，民協送咁大個檸檬畀阿基，真係好瘀囉！仲有，睇下網民留言，大部分都唔希望阿基再選，網民Konstantine Avraham Matatyahu：「Anyone but FKK（任何一人，除了馮檢基）」
