圖：梁天琦講一套做一套，曾經自稱「無底線抗爭」，而家有書讀就突然「有底線」 設計圖片

　　本土民主前線同青年新政以製造衝擊起家，經常利用各種謠言煽動年輕人，最終因為「宣誓風波」而露了底，被人唾棄。署名「趙雲」嘅網民，尋日就整理咗一個《本民青政謊言全紀錄》，將兩班人嘅大話連篇，逐一立此存照。

　　「賤人講大話唔係第一次，亦唔會係最後一次。」佢首先批評，青年新政成立之初自稱佔領人士同傘兵，但事實係無人喺「佔中」時見過佢哋；雖然「青政」游蕙禎喺選舉論壇講過因為「佔中」時佢係素人，所以無人記得，但之後游蕙禎被人揭破，喺衝突中用水幫中胡椒噴霧者洗眼；故質疑游如真佔過中，不會不知清水無法洗去胡椒噴霧。另外，《紀錄》亦大數「青政」梁頌恆敢做不敢當，例如大力否認自己宣誓時爆粗，仲死撐Re-fxcking支那是鴨脷洲口音，更喺西環衝擊中吹雞發動「戰爭」，但自己就急急騎上「的盧」（的士）走人，直斥賤格程度可與「本民前」梁天琦匹敵。

　　罪狀又點止呢兩位，好似梁天琦咁講一套做一套亦令人齒冷，好似佢喺補選論壇上自稱「無底線抗爭」、「以死相搏」，但而家有書讀就突然「有底線」、好怕死。仲話西瓜琦為過票畀「青政」，自稱會全責監督「青政」選舉行為，不過自從宣誓風波後就一直潛水，講自己並無參與「青政」嘅行動。

　　可能呢個《謊言全紀錄》實在大快人心，一出帖即刻被網民瘋傳，紛紛批評「青政」同「本民前」的惡行，「貼堂喇要」、「厚顏無恥本民青」、「新書《有種大話叫本民青政》」。就連鄭晴都覺得，青年新政同「本民前」不但已經誠信破產，仲影衰埋新一代年輕人，希望佢哋返去好好反省下。