熱血公民（熱狗）一向唯恐天下不亂，藉住仇警刷存在感以討好激青支持者嘅歡心，最近竟然離譜到左抄右抄，將一啲警隊少數害群之馬嘅負面新聞結集成書，攤喺年宵市場賣，佢哋嘅主席鄭松泰尋日仲要喺立法會上炒作「休班警」借題發揮，仲要拎嚟賣廣告，鄭晴睇到都覺得好核突囉，難怪民建聯周浩鼎亦都忍唔住鬧鄭松泰危言聳聽、嘩眾取寵，言論極之偏頗同不負責任。
警隊「一哥」盧偉聰之後喺記者會上更不點名回應「熱狗」，話希望「做呢啲書嘅人」睇多啲警隊對社會嘅貢獻，警察成日會做義工幫助青少年、長者同少數族裔，大家應該要以一個平衡角度理解警隊咁話。
