圖：吳秋北祝大家「萬事有雙糧」
農曆新年公眾假期完結，機構企業紛紛啟市，工聯會尋日就喺facebook發帖，都係關於恭賀新年嘅短片，但今次內容又幾新鮮，因為理事長吳秋北「生鬼」演出，真係幾搶鏡。一開始，秋北着住運動外套、捧住個金元寶，祝大家身體健康、工作順利。鏡頭一轉，秋北已經換咗外套，變身做主管，祝大家恭喜發財、利是來。唔夠幾秒，秋北又變成忙碌打工仔，喺電腦前不斷打字。
最後，秋北終於做返自己，仲寫咗一張「萬事有雙糧」嘅揮春，表達打工仔嘅心聲，希望老闆可以萬事有商量，打工仔就可以人人有雙糧。
睇完短片，鄭晴發覺，秋北做戲真係幾「生鬼」，哈哈。希望個個打工仔每年年尾都可以有雙糧，甚至更多，咁就皆大歡喜喇！
