圖：柯創盛（左六）要求政府盡快落實觀塘單軌列車
政府一直希望將九龍東發展為香港第二個商業核心區。不過呢，九東嘅交通規劃好有問題。身為九龍東立法會議員嘅柯創盛（柯仔）就話，九東塞車狀況嚴重，區內居民同打工仔都覺得好困擾。而家區內商業大廈愈嚟愈多，交通問題應該會好嚴重。
尋日政府向觀塘區議會諮詢九龍東環保連接系統，柯仔話佢支持連接系統以高架鐵路模式推行，減少觀塘區路面擠塞情況。佢又促請發展局提高有關計劃嘅優先次序，加快諮詢，盡快解決九龍東交通擠塞問題。柯仔又話，觀塘、黃大仙一帶嘅路面負荷已經飽和，根本無可能再等。佢又要求政府完善觀塘與啟德之間嘅交通接駁，發揮協同效應，增加觀塘居民的就業和發展機會，並為啟德新區注入更多活力。其實呢，遲到好過無到，柯仔希望政府講完可以做得到啦！
