美食車先導計劃進行到依家，共有兩個參加者「華星冰室」同埋「小甜谷」先後退出，係唔係計劃嘅配套唔夠令到營運者打退堂鼓呢。尋日商經局局長蘇錦樑（Greg）就話，已經有新嘅營運者加入呢個計劃。
Greg認為，每個營運商對營運辦法、成本同埋風險承擔有唔同嘅睇法，要尊重同埋理解，又話當局有替補機制，「擦餐飽」、「The Butchers Club」成為新嘅營運商。仲有，阿Greg承認有啲地點唔理想，但依家同啲營運商傾緊，希望搵到一個好好嘅改善計劃，譬如畀多啲優惠，或者增加停泊地點，以提升美食車嘅吸引力。
