大公網8月4日訊 佢唔係Youtuber，佢唔係格價專員，佢亦都唔係的士司機.....立法會選舉倒數一個月，無論係地區直選、超級區議會抑或傳統功能組別，候選人都各出奇謀拉票。科技日新月異，今次選舉嘅其中一個特色，就係好多候選人都會透過新媒體，發動網上攻勢去做宣傳同埋吸票。一個個Facebook 專頁、微博post、動畫、拍片放上YouTube 、晚晚做直播，甚至連app都出埋。咁多噱頭，真係唔到你唔服。
究竟一眾候選人，可唔可以成功將知名度化為支持度？吸晴，係咪又等於可以吸票？大家都拭目以待。
答案，9月4號就會揭盅。
