大公網9月28日訊 日本大叔主唱嘅神曲《PPAP》搞到facebook不斷被人洗版。首歌好簡單，只係提咗Pen、Apple、Pineapple呢三個簡單英文字，相當洗腦。一向緊貼潮流嘅大嘥鬼當然都玩埋一份。佢今日喺facebook貼圖，就話「係芸芸生果當中，Apple同Pineapple都算係我既最愛」之後仲教育大家「玩還玩唔好插支筆落去」，後面亦有一堆日文字。
不過呢，搞笑嘅大嘥鬼咁係唔止咁簡單啦！今次大嘥鬼仲要模仿日本大叔，加咗兩條「二撇雞」，仲有豹紋披肩，呢次真係扮得維肖維妙喎。另外，有眼利嘅網民發現，「鬼鬼個日文名係拼做『dai sai guai』，正！」大嘥鬼回覆時仲話：「有人留意到彩蛋」。亦有網民話：「好抽得！」佢就幽默咁話：「打風前濕度少少高」睇完大嘥鬼嘅帖，真係心情愉快。
