立法會新餐廳試業三星期後，昨日正式開張。鄭晴第一時間去到湊熱鬧，只見新餐廳寬敞明亮，坐得舒服。餐牌除了傳統炒粉麵飯，最驚喜係全新推出的軟雪糕，一啖入口，奶香十足，口感絲滑，做飯後甜品認真一流！

餐廳歡迎訪客到訪

立法會主席李慧琼說，軟雪糕係好多年輕人同市民嘅集體回憶，亦為大家繁忙嘅工作加一點甜。她又坦言，在立法會經營餐廳絕不容易，大樓使用者眾多，工作節奏緊湊，有人要快，有人講究味道，有人關注價錢，有人想食得健康，餐廳既要「快、靚、正」，又要物有所值，切合不同食客需求，挑戰確實不少。

李慧琼高興見到營運商試業期間虛心聆聽顧客意見，積極調整服務，負責人親自監督，自己都有光顧。她希望餐廳繼續以食客為本，愈做愈好，讓大家食得開心、食得放心，建立口碑。

順帶一提，餐廳平日除服務議員同大樓工作人員，也向訪客提供服務。大家有機會登記進入立法會，不妨一試，話唔定會食出驚喜！