圖：阿田話會以大局為重
立法會下周三就會召開新會期首次大會，選出新一任立法會主席，建制派今日就會舉行「武林大會」，傾嚇推薦邊位仁兄競逐「盟主」。不過呢個位實在太搶手，反對派都對此垂涎三尺，想派人出選，而早前公開表態想做主席嘅新民黨田北辰（阿田）出席電視節目時就話，如果今日「武林大會」未能夠協調主席人選，他就會宣布放棄，改投大熱人選經民聯梁君彥一票。
立法會主席寶座誰屬，成為政界近期最矚目議題之一，而建制議員入面，就屬工業界議員、經民聯梁君彥呼聲最高。不過，同樣有意角逐主席嘅田北辰尋日就話自己手上已拎夠提名啦，希望今日可以說服建制用暗票進行初選。但係，阿田話，如果最後建制派得出共識唔搞初選，都會以大局為重，放棄出選。
鄭晴都相信，今日「武林大會」結果將會相當關鍵，但係梁君彥呼聲咁高，唔知阿田又點睇呢？田北辰就透露，梁君彥曾經搵過佢拉票，如果建制決定派梁君彥出選，佢都會投票支持，因為始終都希望由建制派出任主席嘛。
