何君堯網上直播講返事件嘅來龍去脈
大公網4月16日訊 上星期五、六係立法會發展事務委員會返內地東江考察團嘅日子，考察團尋晚就完滿結束，不過反對派似乎又有嘢唔滿意，不過今次唔係對個團嘅安排不滿，而係對團友何君堯（Junius）不滿。
尋晚Junius喺網上直播同大家分享返事件嘅原由。事緣Junlius一早已經申請咗只係隨團跟第一日嘅行程，第二日離隊做私人工作然後歸隊，不過到送代表團走嘅時候，反對派嘅議員突然鬧爆佢離團，話佢違反議事規則雲雲，又話明明送大家走嘅時候仲係「嘻嘻哈哈」，但反對派「面對面嘅時候就一個面孔，跟住擰轉面就插人」，形容呢種行為好唔成熟。
Junius唔明反對派點解要聲言譴責佢，呼籲佢地搞清楚大體：「我地係嚟考察，唔係嚟插我背丫係咪先?」。Junius仲話，大家其實都係為辦事，應該做好工作，盡心盡意，唔需要喺呢啲地方做人文章。鄭晴覺得Junius表現真係相當有器度，無因為笑裡藏刀嘅反對派插佢動肝火，專心做好考察工作，反對派真係應該好好向佢學習。
