日後方便周圍去下
曾先生（利東邨居民，退休港鐵員工）：講了十幾廿年，終於有港鐵到南區，真是等到頸都長。有港鐵當然開心，大家出入更方便，而且我可以終身免費搭港鐵，日後會搭港鐵周圍去下，幾好！
以後唔驚返工遲到
鄧小姐（利東邨居民，銅鑼灣返工）：有港鐵太好啦，肯定會改搭港鐵。香港仔隧道塞車真是太恐怖，明明已經提早出門，但我試過因為塞車而考試遲到、見工遲到。
上落擔心塞升降機
張先生（利東邨居民，九龍灣返工）：多年來已經習慣搭巴士，未必會改乘港鐵。有港鐵當然會比較方便，但利東這邊的出入口只有升降機上落，我擔心返工繁忙時間這裏比香港仔隧道更堵塞。
