圖：近日多個巴士總站大排長龍，原來係九巴有禮送，老友記笑逐顏開
近日多個巴士總站大排長龍，鄭晴睇真啲，發覺唔係排隊搭車，原來係九巴有禮送，18日至23日先後喺港九新界廿幾個巴士總站，向65歲或以上公公婆婆，贈送超過一萬份年糕及利是封，結果老友記好踴躍，話咁快就派清曬！九巴高層朋友同鄭晴講，佢哋過往會喺中秋節向員工及社區送月餅，去年盈利表現唔錯，希望做多啲善事回饋市民，所以今年第一次喺農曆年前送大禮派年糕，每位老人家都有足足一底糕。咁有心，真係抵畀個like九巴！
