圖：財爺與基層家庭在官邸開心交流\司長網誌圖
財政司司長陳茂波周末喺官邸搞咗個Party，請咗十幾個來自天水圍的基層家庭參加，棉花糖機、魔術表演、大食會，真係一樣都唔少！財爺仲親自帶呢班大朋友、小朋友遊覽官邸花園，及安排咗一個「愛的抱抱」集體遊戲，令大朋友、小朋友都可以藉住呢個機會更好進行感情交流，希望讓愛增強小朋友自信心，及提醒小朋友懂得感恩。
為勉勵呢班小朋友，陳茂波仲自爆係來自基層家庭。原來佢細個係住喺大坑西嘅木屋區，遇上過唔少次火災和風災，甚至試過失去家園，係通過努力學習、充實和裝備自己，懷着自強不息的決心和毅力，對未來抱有希望，總可以一步一步達到目標。
最後，佢仲用咗一句文言文鼓勵小朋友，「天行健，君子以自強不息」，希望佢哋可本着堅毅不屈、永不言敗精神，幹出成績，將來回饋父母辛勞養育之恩，服務香港社會！
