圖：民建聯才藝比賽，參賽者皆為少數族裔\民建聯供圖
尋日鄭晴參加咗一場與眾不同嘅比賽，所有參賽者都係香港出生嘅少數族裔。主辦方民建聯就話，希望畀少數族裔學生一個機會，等佢哋展示自己嘅才能同埋天分。
有南亞裔學生將尼泊爾傳統鼓及西方結他、電子琴交融，重新演繹酷玩樂隊「yellow」；仲有啲「迪士尼發燒友」，將仙杜瑞拉、奧蘿拉嘅故事夾埋一起，以不同風格嘅舞蹈做串連，隊伍中唯一男隊員都着裙，真係幾搞笑。仲有不少學生都着住各自民族嘅服飾嚟表演，讓鄭晴有種錯覺，一陣喺尼泊爾杜巴廣場睇舞蹈表演，一陣又轉到印度聽濕婆神話。
民建聯副主席張國鈞（Horace）同民建聯少數族裔委員會主席鄭泳舜（Vincent）都有來捧場。Horace話，「今年係第三年舉辦呢個比賽，都希望提供平台畀香港嘅少數族裔，幫助佢哋融入社會，一起為香港努力」。
前懲教署總懲教主任簡大力也係嘉賓，佢話：「呢個比賽可以增加少數族裔學生嘅信心，幫助學生發現自己嘅潛能，畀佢哋一個更大嘅發展空間」。
