圖：許穎欣（右）手起刀落，台上示範劏豬\大公報記者徐曉彤攝
香港食品委員會尋日喺黃大仙廣場舉辦美食墟，仲邀請到有「香港女刀神」之稱嘅許穎欣（阿May）登台示範劏豬。阿May同爸爸，即係香港豬肉行總商會理事長許偉堅「父女檔」拍住上一齊登台。阿May一上台二話不說，手起刀落，短短半個鐘，就將成隻豬分成幾十份，許偉堅向現場觀眾講解一隻豬唔同部位，台下座無虛席，仲有吸引大批街坊圍觀。
忙完一輪，阿May同鄭晴講，之前僱員再培訓局開辦嘅豬肉切肉員課程，本來有三名女將，但其中一個只有20多歲嘅女學員，就因為太單薄，斬豬肉斬到勞損，仲要睇物理治療，幾日前就已經無做，阿May都話無謂勉強，而另外嗰兩個女學員就成功做咗「豬肉切肉員」，證明唔係女仔就唔夠力水咁話。
