圖：鑽石山站沙中線月台設計曝光，柱身有鑽石圖案，非常搶眼 /港鐵fb圖
鑽石山站真係有鑽石？睇真啲，原來係港鐵facebook尋日「放閃」，話要帶大家嚟鑽石山站沙中線新大堂同月台「尋寶」，喺大堂同月台嘅柱位都有新一代嘅「鑽石」，「大粒咗好多，同閃好多」。原來鑽石山站擴建緊嘅沙中線新大堂及月台，除咗沿用現有嘅黑色紙皮石設計，柱身仲多咗幾粒鑽石圖案，非常搶眼。鄭晴都睇好將來呢度會成為車站「打卡」嘅熱點。
有網民覺得設計幾好，風格劃一得來有創新，亦有網民不以為然，覺得「大粒鑽石」太浮誇，反而關心幾時通車，同埋「咩都係假，減價最實際」。鄭晴話你知啦，根據港鐵早前提交嘅進度，沙中線東西走廊預計提早半年於2019年中通車，鑽石山站將來成為觀塘線及沙中線嘅轉線站。
鄭晴
