候任特首林鄭月娥正努力組班，三司十三局新班子人選，連日來成為「江湖」上嘅熱門話題，早前就盛傳擁有史丹福大學教育博士學位嘅藝人陳美齡，係林太意屬接任教育局長嘅人選之一，一時間惹起好多人嘅無限幻想。不過，陳美齡尋日喺電台節目上，首次表明「我唔係做教育局長，亦都唔會做」，但就曾多次同林太交流教育議題。
佢又話，如果日後有機會擔任公職，形容自己會係「牛公僕」兼「捱得打捱得罵」。
