乜嘢係賊喊捉賊？等反對派嚟做個示範啦。眾所周知，730億港元嘅撥款喺今個禮拜三立法會財委會上，因反對派「拉布」而被拖冧。
但喺會議中後期嘅時候，成日將關懷弱勢擺喺口邊嘅工黨張超雄，竟然大聲對住財委會主席陳健波話：「加會啦、加會啦，點解唔加會？仲要去旅行？」陳健波即時翻查資料回應話：「問最近二十號上、下午係咪加會，二十一號係咪加會，你全部不支持，（請）你先檢討自己！」
啱先鬧完張超雄，自稱係作家嘅民主黨鄺俊宇又跳出嚟話：「因為你（陳健波）唔加會，導致今次會期最後一次會，就咁樣結束，你身為財委會主席，這次這個安排失當要負上責任。」嘩，講到大義凜然咁，不過「型」唔夠三秒，陳健波又再反駁：「鄺俊宇根本就無回覆（開會），所以請你唔好胡亂指罵主席。」
反對派自作孽，仲要推卸責任，諉過於人，真係唔知個「醜」字點寫啊！
