圖：聶德權尋日同一班香港、內地學生見面，鼓勵他們加強交流合作
呢屆政府講明要做好青年工作，繼早前去咗書展同青年交流讀書心得後，政制及內地事務局局長聶德權（三耳局長）尋日又同一班參與「青年視野─北大港大學生交流論壇」嘅香港、內地學生見面，鼓勵兩地年輕人加強交流合作、互相學習、增進了解。主責粵港澳大灣區事務嘅三耳局長話，大灣區發展規劃將會為粵港澳以至國家開拓新嘅發展空間，為兩地年輕人帶來唔少機會，年輕人要積極把握機遇，喺促進自身發展之餘，都為國家建設貢獻力量。
