潔淨能源發電一直係國際間能源發展未來嘅大趨勢，不過香港目前只係得來自深圳大亞灣核電廠嘅電力同南丫島嘅風車較為環保，新民黨立法會議員容海恩（Eunice）有見及此，月前去咗內蒙古考察當地風力發電，展開尋找潔淨能源嘅第一站！
聽Eunice講，佢之前獲邀去內蒙古考察，對大漠風光非常欣賞，興之所至，騎馬行咗圈。不過，此行最感興趣都係參觀當地風力發電，因為香港喺呢方面嘅工作進展相當緩慢，所以要去外地取經。
Eunice話，上次去內蒙古只係第一站，今個月佢會同青專網去深圳大亞灣核電廠參觀，同班年輕人一齊了解核能發電發展。佢仲話，未來會繼續搞考察團，去「一帶一路」沿線國家，尋找更多潔淨能源方案，希望了解更多之後，為香港潔淨能源發電出一分力。
