今年將會係本月21至23日一連三日喺銀礦灣繼續舉辦，分別有四個表演區，包括Rock on the Road、互動音樂坊、派對坊同埋品味音樂坊，而表演時間係由中午十二點到夜晚十點。最令大家開心嘅係，一如以往，音樂節係免費活動，▉唔駛／唔使▉入場費架，樂迷可以盡情狂歡。
今日記者會可謂星光熠熠，有Band壇前輩Joey Tang、樂隊Supper Moment擔任今屆大使，仲要搵到殿堂級嘅Danny Summer夏韶聲出席活動呢！仲有發仔——劉業強。發仔話，既然當日音樂節創辦人何明咁有志氣同勇氣，無理由因為資金問題而停辦，所以今年決定支持音樂節，又話年輕人要繼續追夢。 Danny Summer就勉勵大家，當band壇喺全世界都沒落緊，各位band友依然玩緊，果然好奀皮，要多謝一眾贊助人。自己從未踏足銀礦灣，好開心今次有得參與，而呢個音樂節係好嘢，希望日後能夠繼續。銀礦灣沙灘音樂節闊別兩年，再加上陣容咁鼎盛，大家一定要支持本地音樂呀！
