大公網10月10日訊 反對派嘅立法會新丁質素如何，相信大家一定笑而不語。今日有電視台播出節目，訪問一班議會新丁，包括工聯會陸頌雄、新民黨容海恩、民主黨鄺俊宇同埋熱血公民鄭松泰。訪問開始前，主持人都忍唔住要串泰博，提佢要教下助理點填學歷。反對派嘅表現真係好搞笑架，例如問泰博知唔知幾點可以食晏，泰博就話大約12點至1點左右，但其實係無定時架。不過呢個都係其次，最精彩都係第二部分。
主持人就將四位新丁分咗建制同非建制兩組，要佢哋答下審議法案嘅程序。建制就排岩曬，反觀泰博同鄺神就錯到離曬譜。佢兩個仲要有分歧添，泰博話，記得首先法案交由法案委員會在內會研究，之後喺大會首讀、二讀，鄺神就話，二讀之後應該有充裕時間俾議員討論，所以二讀表決後交畀內會。不過呢，真正答案就係法案首讀後，就會予以二讀，然後交畀內會同法案委員會研究，研究完先交畀大會恢復二讀。泰博仲話自己教書，又做網台節目，居然連最基本嘅審議法案程序都唔識。票王鄺神都係，五十萬市民授權，原來都係唔熟書，佢哋有無做好本分架?
