熱血公民成員陳柏洋判坐監，「本土民主前線」同熱血公民即刻喺社交媒體「開拖」。「本民前」黃台仰喺facebook聲稱，希望大家持續關注旺角暴亂被捕人士，即被熱血公民支持者反唇相譏。
熱血公民副主席鄭錦滿亦喺facebook發帖，聲稱熱血公民從來沒有因為旺角暴亂而籌款，不論是否「熱狗」，只要抗爭者求助，佢哋都會盡力協助，「美國隊長」嘅保釋金亦係「熱狗」第一時間支付，但「美國隊長」後來周圍抹黑「熱狗」。「不如問下因初一事件籌完旗嘅『本民前』啲錢用咗幾多落抗爭者身上好過喇！用×咗去選舉定high大咗呀？」呢鋪「本民前」真係抽水抽到污糟水囉。
