大公網10月10日訊 何君堯(Junius)日前係葵青區議員周偉雄facebook直播留言，大批網民於是瘋狂挑釁Junius，仲出言侮辱佢添。見到嗰啲用字，真係粗俗不堪，不過Junius無向惡勢力低頭，反而駁斥網民歪論，有成三個鐘咁多。尋日仲係facebook發帖，解釋自己以強硬姿態直斥呢啲網民不是。
不過呢，事件仲有新發展，Junius今日喺facebook發帖，稱網上欺凌係普遍現象，近年越嚟越嚴重，而縱容網上暴行，「不單只威脅言論自由，更會助長現實暴力傾向，請予以簽名，支持反對語言暴力運動!」佢又補充，呢個構思係尋日早上9點38分諗出嚟，遲啲就會成立一個有新嘅專頁統籌歸納簽名。
呢個帖出咗之後，好多網民都力撐。網友AliceChan話：「支持何議員，大家一起用和平的簽名行動，向語言暴力說不!」另一位網友SimonFung就話：「讚(贊)成。吾(唔)好比班泛民認為只有佢先代表民意，係(喺)道(度)抽水。其實仲有好多人關心香港，想香港好。」要對付網絡欺凌，就係要Junius呢種勇於說不嘅人呢!
