圖：Junius喺Facebook發帖希望市民簽名反暴力/網上圖片
何君堯（Junius）日前喺葵青區議員周偉雄Facebook直播留言，大批網民於是瘋狂挑釁Junius，仲出言侮辱佢添。鄭晴見到嗰啲用字，真係粗俗不堪，不過Junius無向惡勢力低頭，反而駁斥網民歪論，有成三個鐘咁多。前日仲喺Facebook發帖，解釋自己以強硬姿態直斥呢啲網民不是。
不過呢，事件仲有新發展，Junius尋日喺Facebook發帖，稱網上欺凌係普遍現象，近年愈嚟愈嚴重，而縱容網上暴行，「不單只威脅言論自由，更會助長現實暴力傾向，請予以簽名，支持反對語言暴力運動！」佢補充，呢個構思係前日朝早9點38分諗出嚟，遲啲就會成立一個新嘅專頁統籌歸納簽名。
呢個帖出咗之後，好多網民都力撐。網友Alice Chan話：「支持何議員，大家一起用和平簽名行動，向語言暴力說不！」另一位網友Simon Fung就話：「讚（贊）成。吾（唔）好比（畀）班『泛民』認為只有佢先代表民意，係（喺）道（度）抽水。其實仲有好多人關心香港，想香港好。」要對付網絡欺凌，就係要Junius呢種敢於說不嘅人啦！
