大公網10月12日訊 青年新政梁頌恆同游蕙禎今日係宣誓時擺明「玩嘢」，以英文宣誓時故意將China讀成「支那」，繼「X嘢」論後，豪放女游蕙禎又用英文在議會爆粗講fxxking。佢哋兩個又將「Hong Kong is not China」的「宣獨」旗幟帶入議事廳，一個當披肩，一個當枱布。梁頌恆宣誓時右手更舉起中指，明顯係違心手勢啦！佢兩個出嚟嘅解畫更加令鄭晴憤怒了！
對於嗰張旗，梁頌恆就話：「我唔明我件批肩嘅fashion元素點樣影響到我理解誓詞嘅內容。」fashion嘅嘢，鄭晴真係唔識，但咁都係fashion？梁議員你聽日攞塊窗簾布裹係身仲fashion囉！
被問到為何讀成「支那」，爆粗嘅游蕙禎就話：「係咪歧視緊我嘅accents呢?」(鄭晴溫馨提示游BB，應該係accent！)梁頌恆就更離譜，居然話：「家鄉嘅accent我避免唔到，我家鄉係鴨脷洲。」嘩，咁假嘅大話，你哋都講得出? 當香港市民係無讀過書呢，定係無去過鴨脷洲? 鄭晴完全無聽過有種口音叫鴨脷洲啦，痴脷根就有你份！佢哋根本就係唔跟法規，唔跟議事規則，仲毫無邏輯可言，鄭晴同香港市民一樣，真係無眼睇。
