由「熱血公民」、「普羅政治學苑」和「城邦派」組成嘅激進「港獨」組織「熱普城」在今屆立會選舉大敗而回，選民用選票表明立場，唔歡迎呢批搞亂香港嘅人。
「熱血公民」（熱狗）首領黃洋達喺選舉失敗後宣布「退位」，但係未有痛思己過，諗下自己失敗嘅原因。反而變本加厲，日前竟喺facebook宣布成立「熱血狗仔隊」，仲表明係針對下年嘅特首選舉，更發起籌款計劃。嘩，籌款目標係大拿拿300萬噃。根據「熱血時報」一向嘅作風，佢哋淨係識用色情暴力去嘩眾取寵，好似之前多次被人投訴嘅《黨娘》，今次又巧立名目成立所謂嘅「熱血狗仔隊」，相信只會令更多香港人討厭「熱狗」。
