圖：象哥大讚Holden（右一）一直好勤力好投入，對議會工作提出好多建設性意見
尋日民建聯主席李慧琼喺傳媒茶敘講到今屆立法會選舉成功接班，身為民建聯元老之一嘅黃定光（象哥）就主動解畫，話原本希望周浩鼎（Holden）可以代替佢出選進出口界，仲大讚Holden一直好勤力好投入，對議會工作提出好多建設性意見。不過去年年初，民建聯同象哥傾，可唔可以割愛，畀Holden參選區議會，之後再選超區。象哥話，難得Holden願意捨易取難，自己作為多年兄弟，就願意再做多四年喇！今年嘅議會工作都會協助Holden。
其實象哥而家都唔使咁擔心啦，難得Holden願意經歷直選，最終更贏得多數市民支持。日後象哥同Holden，以及民建聯上上下下，都可以喺立法會發揮建設嘅力量，為香港出一分力呢！
