圖：Thomas經常四出講Talk，幫年輕人提供職業建議
金管局前傳訊總監、圓通財經公關顧問有限公司董事陳民傑（Thomas）人緣好就人所共知。但原來佢唔只老友多多，仲對社會好有責任心，經常四出講Talk，幫年輕人提供職業建議同參與公共事務機會。Thomas上星期仲榮獲諾貝爾獎學人系列《亞洲社會關愛領袖獎》，貢獻備受社會肯定。
對得獎有咩感受？Thomas話，佢秉持嘅信念係學以致用，而作為一個喺企業傳訊及公關領域嘅專業人士，最「學以致用」方法，就係將知識薪火相傳。Thomas而家係中文大學投資學會（Strategic Investment Society）導師，仲係浸大傳理碩士課程嘅兼任講師，見到對公關行業有興趣嘅學生，仲會邀請佢哋當實習生。鄭晴溫馨提示，鍾意公關行業嘅年輕人，都可以向Thomas偷下師，相信日後香港「肯肯定」會少好多「關公災難」。
榮獲社會關愛企業卓越獎的機構仲包括南豐集團、中銀人壽、BNP PARIBAS和四洲集團。
