「香港眾志」秘書長黃之鋒做咗羅冠聰嘅議員助理之後，尋日「巧威威」喺facebook發帖，話去咗台北出席華人民主書院嘅講座，分享一下香港選舉經驗，青年參政面對嘅挑戰。佢仲會同主張「台獨」嘅時代力量黃國昌，「太陽花運動」陳為廷和施懿倫會面，還自曝話「香港眾志」創立之前就去過台灣搵佢哋，「盼望能讓兩地互相借鑑。」 所謂「一朝得志，語無倫次」，黃之鋒都係讀好啲書先啦，又無論據又唔係自己參選。而家勾結「台獨」勢力，之前仲夠膽話唔搞「港獨」，真係「信你一成，雙目失明」。
「泰博」連環串錯字
不過，議會「本土新勢力」一對比，就真係「五十步笑百步」。立法會網頁日前上載各議員嘅履歷資料，喺學歷一欄，熱血公民鄭松泰只係填咗「社會學博士」，刻意忽略自己喺北京大學研讀過。而英文版仲好笑，將社會學嘅英文Sociology寫成「PhD in Sociolosy」，辦公室的地址屯門（Tuen Mun）錯寫成Tuen Mum。不過後來已經更正。「泰博」做咩啫？係咪驚得罪「本土派」呢？社會學博士連「社會學」都串錯，仲要連環串錯字，「笑死朕」咩！
