今時今日宣傳香港，唔使用劍嘅！創新及科技局成立就快一年，局長楊偉雄可以話「無時停」，經常要四出宣傳香港創科，今次去美國就諗住將新成立嘅創科局介紹畀其他國家，鼓勵其他國家嚟香港。
鄭晴覺得做局長有時真係甚艱難，坐喺office又畀人話，出差又要畀人話。不過，唔出去交流，又點宣傳香港、吸納下新技術啊？
話說楊偉雄前日就起程去美國，亦都係佢上任後第一次出訪美國，今次最主要係參加國際會議，就智慧城市交流。另外，仲會訪問當地風投基金，希望可以邀請風投基金參加投資香港嘅初創企業。
最後局長就希望同美國偷師，睇下嗰邊有咩最新科技，順便拜訪Facebook總部。
楊偉雄仲話，香港有好多優勢，首先係地理位置，可以喺五個鐘之內同全世界超過一半人口接觸；而且有「一國兩制」，一般國際企業可以用香港做基地，穩妥進入中國巿場，真係唔嘢小！
