係人都知容祖兒（Joey）係着名女歌手，仲喺本港不同音樂頒獎禮入面獲得大批獎項。唔講唔知，原來容祖兒除咗唱歌了得之外，連講故事都好得！點解咁講？話說近期香港各界都積極推動中史教育，而勵進教育中心亦推出「光大控股星聲講故事」計劃，之前請咗中大校長沈祖堯講歷史故仔，尋晚竟然都搵埋容祖兒大開金口講歷史。
今次祖兒講嘅主題叫「最大方的人」，內容主要講堯為咗搵合適嘅王位繼承人，所以千方百計考驗由部落首領推薦嘅舜，而舜最後順利通過所有考驗，仲繼承埋堯個王位，做埋一位賢良又能幹嘅領袖添。
講咗咁耐，到底邊度可以聽到祖兒把靚聲講故仔先？大家上勵進教育中心網站就可以免費收聽喇。
