圖：喜歡夜生活嘅游蕙禎，難怪對年輕人訴求咁感同身受

　　游蕙禎繼其一「撲」成名的驚人言論後，又有新「創作」，就係玩「侮辱」。尋日游氏又喺facebook寫咗一篇叫《吾與老賊誓不兩立》嘅文章，話中英就香港回歸談判嗰陣，當時港人沒有太大反彈，又話，梁君彥同陳健波係零票當選，而家分別競逐大會主席同財會主席，荒謬絕倫雲雲，又聲稱，不會同「偽議員」作任何溝通咁話，甚至又話「本人勢必以更強硬的抗爭，阻止其沐猴而冠。」

　　憑「撲嘢論」衝出國際

　　鄭晴睇完呢篇文章，真係不禁搖頭嘆息。文中啲邏輯呀、資料呀完全令人發笑，如果當日港人無太大反彈，當時就唔會有移民潮啦！仲有，游BB知唔知乜叫尊重呢？梁君彥同陳健波都係喺合法渠道下當選，何錯之有？如果游BB係合資格嘅，佢都可以去挑戰㗎。而家咁樣批評人家，咪顯得自己好唔得體，無禮貌同無常識囉！另外呢，鄭晴只係識咩叫偽鈔，唔知咩叫「偽議員」。議員就係議員，有分真假嘅咩？唔通我無份選游BB出嚟，佢就係「偽議員」咩？反而，鄭晴覺得游BB應該返大學繼續進修一下，有助佢正確認識「沐猴而冠」的意思囉！

　　至於更強硬的抗爭又會係咩呢？口頭勇武嗎？還是真係勇武行動呢？鄭晴真係唔知啦！只係知游議員日前憑「撲嘢論」衝出國際，成功得到《時代》雜誌（TIME）網站嘅報道，真係無得頂呀。