圖：游蕙禎日前發採訪通知，講到明「是次記者招待會將不設答問環節」
「青年新政」立法會議員游蕙禎最近好「出位」，每次發言都充滿「性與暴力」，唔係要發動暴力衝擊，就係要爭取「✕嘢」空間。但阿游議員應該嫌自己未夠出位，話要喺今日召開記者會繼續「發功」，不過睇清楚喎，個記者會係唔畀記者問問題㗎！既然「青政」咁獨裁，不如Facebook直播算啦。
游蕙禎日前發採訪通知，話要喺今日開記招，交代青政喺「橫洲事件」同「中史課綱」上嘅立場，同埋來年工作目標等等咁話。之但係話就話係記者會，不過我哋尊貴嘅游議員話到明「是次記者招待會將不設答問環節」喎。即係咁，問問題係記者天職，今次連問都唔畀，咪即係變咗游蕙禎個人演說會。話要爭取民主喎！鄭晴就真係睇唔到「青政」嘅民主喺邊度。
不過，唔知係咪一出街就收到好多記者「圍剿」，知衰嘅游BB即刻改口……唔係……改電郵，將記者會提前一個鐘開始，加插記者答問環節。鄭晴真係好想聽下游BB到時又爆出咩驚人言論，到底要繼續宣傳「性與暴力」，定係會向前立法會議員何秀蘭交代下，講埋佢把頭髮用咗幾多污染環境嘅護髮素同洗髮水呢？
