圖：Michael身高一米八幾，真係唔怕望佢唔到 /大公報記者張月琪攝
立法會新人事新氣象，工聯會陸頌雄（Michael）躋身立法會後就由薯仔頭變all back喇！
身為勞工界新丁嘅Michael以前對髮型就無乜講究，主要都係行「踏實」路線，但係近幾個月就一改風格，走上潮流尖端，梳咗個all back頭。Michael話，以前留陰係前額睇落無咁醒神，於是把心一橫就整個新髮型。而每朝出門口用十分鐘就搞掂，既方便又有型，平時無活動就可以「回歸大自然」。
雖則Michael出鏡率唔係好高，不過只要佢企係人群，大家應該一眼就望到，皆因佢身高成一米八幾。喺工聯會入面，佢一樣係「高人一等」，仲高過理事長吳秋北，老實講，鄭晴尋日都要抬到個頭好高，先同Michael傾完計，家下條頸都仲有少少痛添啊。
