有啲人就將流會責任推曬去建制派度，又話建制派要「謀殺」埋劉小麗，但查實宣誓順序係按姓氏筆畫排，咁都要入埋建制派數，鄭晴都當堂嚇一跳！鄭晴就覺得，呢班所謂議員，若果一早肯正正經經宣誓，邊有咁多市民睇唔過眼，要聲討你哋呀！
尋日朝早建制派好團結咁離場，暫時阻止兩名不知所謂嘅候任立法會議員梁頌恆同游蕙禎宣誓就任議員。不過今次行動除咗「擊倒」兩名滋事分子，仲「擊中」「本土派」劉小麗。
查實今次建制派都係冇心，一切都係因為「姓氏」問題，皆因立法會《內務守則》講到明，連續擔任立法會議員時間愈長，宣誓嘅次序就愈前。如果有議員連任嘅時間相同，即係資歷同等，咁就會按佢哋中文姓名繁體筆畫愈多，就愈後宣誓。
所以做咗12年議員嘅黃定光，就排頭位宣誓，四個「新人」，姚松炎、梁頌恆、游蕙禎及劉小麗就按筆畫排，姓劉就最多筆畫，所以最後宣誓，唔係咁都要入建制派數啩？計鄭晴話，今次只有兩個字可以解釋到，就是「自誤」囉。
