圖：葛珮帆（中）發起拯救安達臣石礦場嘅流浪狗\大公報記者郭艷媚攝
民建聯立法會議員葛珮帆（EQ）一直以來都好鍾意小動物。佢尋日為安達臣石礦場嘅一百隻狗狗發聲，希望大家拯救流浪狗，「每個生命都好重要！」
EQ仲好細心咁解釋畀鄭晴聽，流浪狗問題非常嚴重，去年被捕獲嘅流浪狗就有2400隻，四至六日都無人願意領養嘅話，會被人道毀滅，非常淒涼，安達臣石礦場附近嘅流浪狗將會面臨同樣命運，因為而家喺礦場工作嘅人會餵飼狗狗，但月底交還用地畀政府之後，就無人再理佢哋啦，到時可能衍生糧食短缺，過度繁殖，甚至滋擾居民，EQ希望喺一至兩個月之內將狗狗全部捕獲，並進行絕育，希望市民「領養代替購買」，幫狗狗找新家，開心快樂生活。
EQ坐言起行，佢尋日約見咗漁護署和愛護動物協會，對方應承咗，一齊幫忙去捉安達臣石礦場嘅一百隻流浪狗。
